ลืมอ้ายแล้วกา ก่อนสัญญากั๋นว่าจะใด

ลืมฮักตี้เกยฝากไว้ ลืมขอนไม้ตี้เกยนั่งเคียง

ลืมเปี้ยดลืมซ้า ลืมโอ่งฮ้าลืมมีดลืมเขียง

มาตัดก้อมสินเปียง ลืมอมเมี่ยงลืมแม้ห่อยา

ลืมห้างก๊างเฟียง ก่อนนั่งเคียงเคยเลี่ยงหลีกหนี

ยามอ้ายกำมือสาวจี๋ เล่นอุ้มลี้สองคนจั๋นตา

ลืมควายแม่ว้อง ลืมแม้ข้องที่เกยใส่ป๋า

มากึ๊ดสังใดจา จากบ้านนาปอบ่แลบ่เหลียว

ไปอยู่กับไผ ตี้ไหนตางใดกั๋นเล่า

กึ๊ดเติงหาเจ้า สุดโศกเศร้าอ้ายเฝ้าแลเหลียว

จะยะจะใด บ่มีไผซักเสื้อซักเตี่ยว

ช้ำนักฮักเฮาแห้งเหี่ยว อยู่คนเดียวเป๋นดีไค่ต๋าย

ลืมอ้ายแล้วกา น้องจั๋นตาใยว่าใจ๋ดำ

ชาตินี้เป๋นเวรเป๋นกรรม ตวยซ้ำตั๋วอ้ายบ่วาย

กึ๊ดฮอดวันนั้น อ้ายลืนขนมชั้นขำคอเกือบต๋าย

เตียวเซาะหาอี่นาย จนน้ำลายปอเป๋นตั๋งเป๋นเหนียว